Тошкентда Газель ёниб кетди
ФВВ ҳодиса тафсилотларини маълум қилди.
Бугун, 23 июль куни Тошкент шаҳрининг Яккасарой туманида юк машинасида ёнғин юз берди. Бу ҳақда Фавқулодда вазиятлар вазирлиги Матбуот хизмати хабар берди.
Маълум қилинишича, соат 19:35 да Яккасарой тумани Бобур кўчасидаги кўприк устида ҳаракатланиб кетаётган “Газел” русумли юк автомобилида ёнғин содир бўлаётганлиги тўғрисида шаҳар ФВБга хабар келиб тушган.
Шунга кўра, 2 та ёнғин-қутқарув экипажи соат 19:39 да воқеа жойига етиб борган ва ёнғин соат 19:44 да ўчирилган.
Ҳодиса оқибатида тан жароҳати олган ва ҳалок бўлганлар йўқ. Ҳозирда ёнғин сабаби ва моддий зарар миқдори аниқланмоқда.
