Украиналик денгизчилар Британияда тайёргарликдан ўтмоқда
Улар янги турдаги кемаларни бошқаришни ўрганяпти.
Буюк Британия ҳарбий флоти мутахассислари украиналик денгизчилар билан ўқув машғулотлари ўтказмоқда. Бу ҳақда BBC хабар берди.
Ўқув жараёнлари Шотландияда бўлиб ўтяпти. Британияликлар украиналик ҳамкасбларига Sandown туридаги мина ташувчи кемаларини бошқаришни ўргатмоқда. 2021 йил сентябрида Лондон ва Киев икки дона шундай кема етказиб бериш бўйича шартнома имзолаганди.
Бундан ташқари, украиналик ҳарбийларга саф тайёргарлиги ва техник таъмирлаш ҳам ўргатилмоқда.
Бундан олдин Англия жанубидаги Солсбери-Плейн полигонида 400 Украина ҳарбийлари тайёргарликдан ўтгани маълум бўлганди.
Аввалроқ Украиналик учувчилар АҚШда тайёргарликдан ўтиши тўғрисида хабар берилганди.
