Бухоролик эркак 2 та каптар сабаб 2 йилга қамалди

 

 

Бухорода қўшнисининг машинасини ёқиб юборган шахс 2 йил муддатга қамалди, дея хабар бермоқда вилоят ИИБ ахборот хизмати. 

 

Маълум бўлишича, Ғиждувон туманида яшовчи А. Р. маҳалладоши, кабутар боқувчи фуқаро Ф. Б.ga уйида кабутар сақлашга қизиқиши ортаётганини айтиб, ундан 13 дона кабутар келтириб беришини сўраган. Кўп ўтмай олиб келинган кабутарларнинг икки донаси йўқолган. А. Р. эса қўшнисидан йўқолган кабутарларни топиб беришини талаб қилган. Шунда қўшниси кабутар учиб кетган бўлиши мумкинлигини эвазига бир дона ўзининг кабутарини беришини ва иккинчи кабутар учиб қайтиб келмаса, кейинроқ яна бир дона кабутар беришини тушунтирган.

 

Жаҳли чиққан А. Р. ўзига аввалдан таниш бўлган, уйида бензин сотувчи А. исмли танишининг олдига бориб, у билан спиртли ичимлик ичган. Кечки пайт уйига қайтгунча танишидан бензин олиб, кабутар сотувчи қўшниси Ф. Б.нинг ҳовлиси олдида турган Лаcеттига бензин сепиб, ёқиб юборган ва воқеа жойидан қочиб кетган.

 

Дастлабки тергов-суриштирув ишлари давомида А. Р.нинг жабрланувчига 86 млн 397 минг 465 сўмлик моддий зарар етказгани аниқланиб, тегишли тартибда жарима белгиланган.

 

Унга нисбатан Ўзбекистон Республикаси Жиноят кодексининг 173-моддаси 2-қисми қўлланилиб, 2 йил 6 ой муддатга озодликдан маҳрум қилиш жазоси тайинланган.