Наманганда Дамас сойга тушиб кетди.
Ҳодиса вақтида автомашинада йўловчилар бўлмаган.
Ижтимоий тармоқларда Наманган вилоятининг Поп туманида автомашина сойга тушиб кетгани ҳақидаги хабарлар тарқалди. Ҳолат юзасидан вилоят ИИБ ЙҲХБ ахборот хмзмати маълумот берди.
Қайд этилишича, 23 июль куни Поп тумани Чодак МФЙ ҳудудида Дамас русумли автомашинани йўловчиларсиз бошқариб кетаётган ҳайдовчи автомашинани орқага қайтариб олмоқчи бўлган вақтида ҳаракат хавфсизлигини таъминлай олмай сойга тушиб кетган. Тез фурсатларда ЙҲХБ ходимлари томонидан ҳайдовчига ёрдам кўрсатилган.
Ҳодиса оқибатида автомашина техник шикастланган. Ҳайдовчига жиддий тан-жароҳати етмаган.
