Байден Си Цзиньпин билан нималарни муҳокама қилиши очиқланди
Оқ уй бу бўйича маълумот берди.
Си Цзиньпин ва Жозеф Байден телефон мулоқотида нималарни муҳокама қилиши очиқланди. Бу ҳақда Оқ уйнинг миллий хавфсизлик масалалари бўйича расмий вакили Жон-Кирби маълум қилди.
Унинг сўзларига кўра, давлат раҳбарлари Украина, Ҳинд-Тинч океани ва Тайвандаги вазият бўйича суҳбатлашади. Шу билан Байден икки томонлама муносабатлардаги кескинликка эътибор қаратмоқчи. Айрим маълумотларга кўра, телефон мулоқоти 28 июлда ўтказилиши мумкин.
Хитой-АҚШ ўртасидаги алоқалар сўнгги вақтларда янги кескинликка қараб кетмоқда. Бунга Конгресснинг вакиллар палатаси спикери Ненси Пэлосининг Тайванга эҳтимолий ташрифи сабаб бўлган. Бунга жавобан Хитой мамлакат ички ишларига ташқи аралашувнинг ҳар қандай кўринишига қарши чиқишини ва бунинг учун зарур бўлса армияни жалб қилишини таъкидлаган. Бундан олдин Байден ҳам ХХРнинг Тайванга бостириб кирган тақдирида Вашингтоннинг ҳарбий аралашувини инкор қилмаганди.
