Президент мактаблари Халқаро Кембриж имтиҳонларини ўтказувчи расмий марказ сифатида тан олинди
Бу тўғрисида маълумот берилди.
Президент таълим муассасалари агентлигига хорижий ОТМларга ўқишга кириш учун талаб этиладиган А-level имтиҳонларини ўтказиш ҳуқуқи берилди. Бу ҳақда Президент таълим муассасалари агентлиги ахборот хизмати раҳбари Дилфуза Собирова маълум қилди.
2022 йилнинг 6 ойи якунлари бўйича Президент таълим муассасалари агентлиги томонидан бир қатор лойиҳалар амалга оширилди. Жумладан, агентлик тизимидаги 14 та Президент мактаби Халқаро Кембриж имтиҳонларини ўтказувчи расмий марказ сифатида тан олинди. Маълумот учун, A-level Cambridge Assessment International Education ташкилоти томонидан тақдим этиладиган сертификатлар халқаро олий стандарт сертификати ҳисобланади.
Жорий йилнинг май-июнь ойларида A-level имтиҳонлари Нукус, Хива, Наманган ва Тошкент шаҳарларидаги Президент мактабларида бўлиб ўтди. 2022/2023-ўқув йилидан эътиборан эса Республикамиз ҳудудидаги барча Президент мактаблари мазкур имтиҳонларни ташкил қилиш режалаштирилган.
А- level имтиҳонлари бутун дунёдаги 1700дан ортиқ университетлар томонидан тан олинган.
