0
Пхеньян Иккинчи Корея уруши хавфидан огоҳлантирди
АҚШ ва Жанубий Корея ҳарбий машғулотлари танқид остига олинган.
КХДР ташқи ишлар вазирлиги АҚШ ва Жанубий Кореянинг қўшма машғулотларини танқид қилди. Бу ҳақда КХДР маҳаллий ОАВ хабар берди.
"Турли баҳоналар билан ўтказиладиган ҳарбий машғулотларнинг қачон Иккинчи корейс урушига айланиб кетишини ҳеч ким айта олмайди", — дейилади вазирлик баёнотида.
27 июль куни 1950-1953 йилларда бўлиб ўтган Корея урушининг якунланган санаси нишонланади. Пхеньян яриморолда хавфсизлик тобора кескинлашиб бораётганига эътибор қаратган. Бундан ташқари, ушбу таҳдид Вашингтон ва Сеулнинг август ойида бўлиб ўтадиган қўшма машғулотларига ҳам қаратилган.
Аввалроқ КХДРнинг ракета тизимлари кучайтирилаётгани тўғрисида хабар берилганди.
