Блинкен Лавров билан музокара ўтказади
Бу АҚШ ва Россия бош дипломатларининг 24 февралдан буён илк мулоқоти.
Энтони Блинкен яқин кунларда Сергей Лавров билан учрашади. Бу ҳақда "ТАСС" хабар берди.
У Россия ташқи ишлар вазири билан ғалла келишуви, шунингдек, Россияда ҳибсга олинган АҚШ фуқароларини озод қилишни муҳокама қилади. Гап Пол Уилан ва баскетболчи Бриттни Грайнер ҳақида кетмоқда. Улар Америкада жазони ўтаётган россиялик Виктор Бутга алмашиниши мумкин. CNN хабарига кўра, Байден бу режани маъқуллаган.
Блинкен Украина масаласи кўриб чиқилмаслигини таъкидлаган.
Россия ва АҚШ бош дипломатлари сўнгги бор февралда мулоқот ўтказганди. Украина можароси бошлангач, бу жараён тўхтаб қолди.
