Миср Украина билан савдо шартномасини бекор қилди
240 минг тонна буғдой Мисрга етказиб берилмаган.
Миср Украина билан 240 минг тонна буғдой сотиб олиш бўйича шартномаларни бекор қилди. Бу ҳақда “Реутерс” ахборот агентлиги хабар берди.
Хабарда айтилишича, дон етказиб бериш февраль ва март ойлари учун банд қилинган, бироқ улар Россиянинг Украинага кенг кўламли бостириб кириши туфайли жўнатилмаган. Шартномаларда форс-мажор ҳолатлари кўзда тутилмаган бўлса-да, давлат товар етказиб бериши керак бўлган компанияларни шартнома мажбуриятларидан озод қилди.
Эслатиб ўтамиз, 24 июль куни Россия ташқи ишлар вазири Сергей Лавров Миср пойтахти Қоҳирага расмий ташриф билан борган. Россия матбуотининг ёзишича, Лавров Қоҳирада Миср раҳбари билан учрашган, у Путиннинг шахсий хабарини етказган.
