Лавров ва Блинкен 24 февралдан буён илк бор қўнғироқлашди
Томонлар қайси масалаларни кўриб чиққани очиқланди.
29 июль куни Энтони Блинкен Россия ташқи ишлар вазири билан телефон мулоқотини ўтказди.
АҚШ дипломатияси раҳбари музокараларни “очиқ ва тўғридан тўғри” деб баҳолаган. Томонлар икки давлат муносабатлари, Украина масаласи ва озиқ-овқат хавфсизлигини муҳокама қилган.
Сергей Лавров РФнинг Украинадаги ҳаракатлари тўлиқ якунига етказилишини таъкидлаган. Бундан ташқари, у рус аскарлари жанговар ҳаракатлар вақтида халқаро ҳуқуқ нормаларига тўлиқ риоя этаётганини иддао қилган.
Россия бош дипломати ўзаро маҳбуслар алмашинуви ҳақида гапирар экан, буни амалга ошириш учун “тинч дипломатия” даврига қайтиш лозимлигини қайд этган.
Аввалроқ Байденнинг ушбу телефон мулоқотини қўллаб-қувватлагани маълум бўлганди.
