Рим папаси истеъфога чиқмоқчи
Папа Франсиск бунинг сабабини айтди.
Рим папаси Франсиск соғлиғи сабабли Рим-католик черкови раҳбари лавозимидан кетишини истисно этмаяпти. Бу ҳақда у “Sky News” телеканалига берган интервюсида айтиб ўтди.
“Менинг ёшимда саломатлигим билан боғлиқ чекловлар туфайли черковга хизмат қилиш жуда қийин. Мен четга чиқиш имконияти ҳақида ўйлашим керак. Менинг истеъфога кетишим мутлақо нормал вариант. Бу фалокат эмас, сиз папани ўзгартиришингиз мумкин”, — деган у.
85 ёшли Френсиск июл ойи охирида Канадага қилган сафари чоғида тиззасидан олган жароҳати туфайли деярли юра олмади, кўп вақтини ногиронлар аравачасида ўтказди.
Эслатиб ўтамиз, аввалроқ Рим папаси Франсиск Москва ва Киевга ташриф буюриш истагини билдирган эди. У тинчлик ўрнатишда қайсидир маънода ёрдам беришга ҳаракат қилиш ниятида.
