Украина ғалласи Африкага юборишга тайёрланмоқда
16 та кемадан иборат карвон Истанбул орқали жўнатилади.
3 август куни Истанбул портига Украина ғалласи ортилган биринчи карвон етиб келиши кутилмоқда. Шундан сўнг маҳсулот Сомалига кетади. Бу ҳақда “СNN Turk” хабар бермоқда.
Нашрнинг ёзишича, карвон 16 та кемадан иборат бўлади. Истанбул биринчи бекатдир. Кемалар дронлар ва сунъий йўлдошлар ёрдамида кузатилади.
Украинадан экспорт қилинадиган биринчи ғалла Африка мамлакатларига, хусусан, Сомалига бориши кутилмоқда. БМТ прогнозларига кўра, юк у ерга тахминан бир ярим ойда етиб боради
Эслатиб ўтамиз, дон йўлаги бўйича келишув 22 июль куни Истанбулда имзоланган эди. Донни экспорт қилиш учун Одесса, Черноморск портлари, шунингдек, Южний портлари блокдан чиқарилади.
