Украина инфратузилмаси қанча зарар кўрган?
Унинг тикланиши учун 185 миллиард доллар керак.
Украинада инфратузилма объектларига 108 миллиард долларлик зарар етказилган. Бу ҳақда Киев иқтисодиёт мактаби тадқиқотида сўз боради.
Энг катта талафотга тураржой бинолари дуч келган. Сўнгги маълумотларга кўра, бутун мамлакат бўйлаб 129.9 минг уй вайрон бўлган.
Украина мудофаа вазирлиги маълумотларига кўра эса, вайрона уйлар сони 140 мингни ташкил этади.
Умуман олганда 24 февралдан буён 388 йирик корхона, 43 мингдан зиёд қишлоқ хўжалиги техникаси, 511 маъмурий бино, 18 фуқаролик аэродроми, 764 болалар боғчаси, 634 маданий аҳамиятга эга бинолар, 27 савдо маркази ва 28 нефть базаси йўқ қилинган ёки эгаллаб олинган. Инфратузилмани тўлиқ тиклаш учун 185 миллиард доллар зарурлигини айтилмоқда.
Аввалроқ Украина ойига қанча дон экспорт қилиши мумкинлиги очиқланганди.
