Ходимни "командировка"га юборишнинг янги тартиби белгиланди
Ҳукумат қарори билан Ўзбекистон ҳудудида хизмат сафарлари тўғрисидаги низом тасдиқланди.
➖ Парламент, ҳукумат ва президент администрацияси, республика даражасидаги ташкилотлар, Қорақалпоғистон, вилоятлар ва Тошкент шаҳар ҳокимлиги раҳбарлари ва уларнинг ўринбосарлари, туман (шаҳар) ҳокимларининг барча тариф бўйича транспорт харажатлари тўлиқ қоплаб берилади;
➖ Бошқа ходимлар учун эконом класс чипталар тўлиқ, модомики VIP ёки бизнес классда кетса, 70%и ташкилот томонидан, қолган қисми эса ходимнинг ўзи томонидан қопланади;
➖Парламент, ҳукумат ва президент администрациясининг раҳбар ходимлари, республика даражасидаги ташкилотлар, Қорақалпоғистон, вилоятлар ва Тошкент шаҳар ҳокимлиги биринчи раҳбарларининг меҳмонхона харажатлари базавий ҳисоблаш миқдорининг 3 бараваридан, яъни ҳозирда 900 минг сўмдан ошмаслиги лозим;
➖Парламент, ҳукумат ва президент администрациясининг ходимлари, республика даражасидаги ташкилотлар, Қорақалпоғистон, вилоятлар ва Тошкент шаҳар ҳокимлиги раҳбар ўринбосарларининг меҳмонхона харажатлари базавий ҳисоблаш миқдорининг 2 бараваридан, яъни ҳозирда 600 минг сўмдан ошмаслиги лозим;
Бошқа ходимлар учун эса 1,5 баравардан, яъни ҳозирда 450 минг сўмдан ошмаслиги лозим. Алкоголь ва тамаки харажатлари эса қоплаб берилмайди.
