Пашинян: Қорабоғдаги Россия кучларига саволлар бор
Арманистон-Озарбайжон ўртасидаги муносабатлар яна кескинлашмоқда.
Арманистон бош вазири Николь Пашинян Қорабоғдаги вазиятни ўта оғир деб атади. Бу ҳақда у ҳукумат мажлисида гапирган.
Бош вазир Россия тинчликпарвар кучларига бир қатор саволлар борлигини айтган. Хусусан, Пашинян Москва ҳарбийларидан вазиятни кескинлашишига олиб келадиган ҳар қандай вазиятни олдини олинишини кутаётганини таъкидлаган.
“Арманистон ҳарбийлари Тоғли Қорабоғда хизмат қилмаяпти”, – деган у.
Маълумот ўрнида: 3 август куни Қорабоғда вазият яна кескинлашди. Озарбайжон ўз ҳарбийларининг Лочин коридорида ноқонуний тузилмалар томонидан ўққа тутилганини маълум қилган. шундан кейин Боку махсус амалиёт ўтказган ва ҳудуддаги бир қатор тепаликларни назоратга олган.
Ҳар икки томон бир-бирини 2020 йил 9 ноябрдаги уч томонлама келишувни бузишда айламоқда.
