Орбан: Украинадаги тинчлик Россия ва АҚШ қўлида
Венгрия бош вазири дунё етакчиларининг Украина бўйича позициясини танқид қилди.
Россия ва АҚШ музокараларисиз Украинада тинчликка эришиб бўлмайди. Бу ҳақда Венгрия бош вазири Виктор Орбан маълум қилди.
Унинг фикрича, дунё етакчиларининг стратегияси низонинг кучайишига сабаб бўлмоқда.
“Бу оловга мой сепиш билан баробар. Бундан ташқари, тинчлик имкониятини пасайтиради. Россия ва АҚШ музокараларисиз Украинада ҳеч қачон тинчлик ўрнатилмайди”, – деган бош вазир Техасдаги консерватив сиёсий ҳаракатлар конференциясида.
Бундан ташқари, Орбан Ғарб “ўзи билан ўзи уруш ҳолатида” эканини таъкидлаган.
Аввалроқ Венгрия бош вазири Россияга қарши чекловларни тўхтатишга чақирганди.
