АҚШда 1 дақиқада самолётга айланувчи машина яратилди
Унинг тахминий нархи 150 минг долларга баҳоланган.
Америка Қўшма Штатларида бир тугмани босиш орқали самолётга айланадиган уч ғилдиракли спорт автомобили яратилди. Бу ҳақда “NewAtlas” нашри хабар бермоқда.
Қайд этилишича, машинанинг тўлиқ конвертацияси тахминан уч дақиқа давом этади.
“Samson Switchblade” 190 от кучига эга 3 силиндрли, 1,6 литрли суюқлик билан совутилган двигатель билан жиҳозланган. Шунингдек, у уч ғилдиракли бўлгани учун кўплаб ҳудудларда мотоцикл сифатида рўйхатга олиниши мумкин. Автомашина соатига 201 км тезликда ҳаракатланади. Парвоз тезлиги эса соатига 257 километрни ташкил этади.
Автомобилнинг тахминий нархи 150 минг АҚШ доллар деб баҳоланмоқда.
