Фарғонада Зил каналга тушиб кетди
Ҳолат бўйича вилоят ФВБ маълумот берди.
Кеча, 6 август куни Зил автомобили Катта Фарғона каналига тушиб кетди. Бу ҳақда Фарғона вилояти фавқулодда вазиятлар бошқармаси ахборот хизмати хабар берди.
Маълум қилинишича, Фарғона вилояти ФВБ марказий диспетчерлик хизматига Ёзёвон туманида яшовчи фуқаро Тошлоқ туманидан оқиб ўтувчи жанубий катта Фарғона канали ёнида ҳаракатланиб келаётиб, ўзининг эҳтиётсизлиги оқибатида бошқарувни йўқотиб, зил автомобилига ортилган беда ўрамлари билан каналга тушиб кетганлиги бўйича хабар келиб тушган.
Шунга асосан, ФВБ Махсус вазифаларни бажарувчи минтақавий қутқарув отиряди ғоввос қутқарувчилари томонидан фуқаронинг беда ўрамлари ва махсус юк кўтариш крани ёрдамида автомобили олиб чиқилган. Ҳодиса оқибатида жабрланган ва жароҳатланганлар йўқ.
