Эронда аёлларнинг реклама ролигида суратга тушиши тақиқланди
Қарорга амал қилмаганлар жазога тортилади.
Эрон Ислом Республикаси Маданият ва Ислом иродаси вазирлиги аёлларнинг реклама роликларига тушишини тақиқлашга қарор қилди.
Тегишли қарор музқаймоқ ишлаб чиқарувчисининг эълон қилинган реклама ролигидан сўнг қабул қилинди.
Видеода юзи очиқ ҳолда машина ҳайдаб, музқаймоқ еб кетаётган қизни кўриш мумкин. Мамлакат расмийлари бундай видеони жамоат одоб-ахлоқига зид ва аёллар қадриятларини камситувчи, шунингдек, жамиятда ахлоқсизликни тарғиб қилишга олиб келади деб ҳисоблади.
Бу чора расмийлар жамоат жойларида рўмол ўрашни талаб қилувчи қонунни бузган аёлларга нисбатан кескин чоралар кўраётган бир пайтда амалга оширилди.
