Касб-ҳунар мактабларига ҳужжатлар қабул муддати узайтирилди
Мазкур жараён 20 июль куни якунланган эди.
Аввалроқ касб-ҳунар мактабларига ҳужжатлар қабули 20 июлга қадар этиб белгиланган эди. Олий ва ўрта махсус таълим вазирлиги мазкур муддат узайтирилганини маълум қилди.
“Битирувчи ёшларнинг касб-ҳунар эгаллашга бўлган қизиқишини инобатга олиб, уларга бу борада керакли шарт-шароит яратиш мақсадида ҳужжатларни қабул қилиш муддати 15 августга қадар узайтирилди”, — дейилади вазирлик хабарида.
Эслатиб ўтамиз, ҳужжатлар kasb.edu.uz электрон платформаси орқали қабул қилинади. Платформага туғилганлик ҳақидаги гувоҳнома ёки ID-карта маълумотлари ҳамда 3х4 ҳажмидаги фотосурат киритилади.
