Украина портларидан Туркияга яна 4 та кема жўнайди
Бу ҳақда Anadolu ахборот агентлиги маълум қилди.
Миллий мудофаа вазири Ҳулуси Акар билан 7 август куни бўлиб ўтган мулоқот ва Истанбулдаги қўшма мувофиқлаштириш маркази билан келишув натижасида Украина портларидан яна 4 та кемани чиқариш режалаштирилган.
Миллий Мудофаа вазирлиги баёнотига кўра, Украинадан жўнаши режалаштирилган кемалардан бири Одессадан, яна 3 та кема эса Черноморскдан йўлга чиқади. Битта бўш юк кемаси Украина портларига кириши режалаштирилган.
Товарларни тайёрлаш ва ташишни мувофиқлаштириш белгиланган тартибда давом этмоқда. 22 июль куни Истанбулда Туркия президенти Ражаб Тоййиб Эрдўғон ва БМТ Бош котиби Антониу Гутерриш иштирокида Украина портларидан ғалла хавфсиз ташиш бўйича келишув имзоланди.
Ҳужжатни Украина, Россия, БМТ ва Туркия вакиллари имзолади. Охирги бир неча кун ичида маккажўхори ортилган тўртта кема Одесса портларидан «дон йўлаги» орқали жўнаб кетди.
