Комилов Конституциявий судда даво топадими?
Сенат йиғилишида у саломатлиги туфайли ўз хоҳиши билан лавозимидан кетгани айтилди.
Сенатнинг ўттизинчи ялпи мажлиси бўлиб ўтди.
Таъкидланганидек, Ўзбекистон Республикаси Олий суди раиси К.Комилов саломатлиги туфайли ўз хоҳиши билан эгаллаб турган лавозимидан озод этишни сўраб мурожаат қилган. Сенат мажлисда бўлиб ўтган муҳокама натижасида уни Ўзбекистон Республикаси Олий суди раиси лавозимидан озод этиш тўғрисида қарор қабул қилди.
Шунингдек, мажлисда Олий суд раислигига номзод муҳокама қилинди. Муҳокама якунида сенаторлар томонидан суд тизимида ҳамда маъмурий органларда раҳбарлик лавозимларида кўп йиллар мобайнида ишлаб келган Бахтиёр Исламов Олий суд раиси этиб сайланди.
