Маск Tesla акцияларини сотди
У Twitter билан можаро туфайли буни амалга оширган.
Илон Маск Tesla’нинг қарийб 7 миллиард долларлик акцияларини сотди. Бу ҳақда The Wall Street Journal хабар берди.
Бизнесменни бу қарорга келишига Twitter билан кескинлашган муносабатлари сабаб бўлган. Миллиардер суд уни ижтимоий тармоқни сотиб олишга мажбур қилса, Tesla акциялари нархи пасайиб кетишидан хавотирга тушган.
Апрель охирида Маск Twitter’даги 4 миллиард долларлик акцияларини сотган. Июль ойида у ушбу тармоқни сотиб олишдан бош тортади.
Шундан кейин Twitter тадбиркорни судга беради. Аммо кўп ўтмай Маск ҳам компанияга қарши даъво киритади.
