Деҳли мажбурий ниқоб режимига қайтди
Мамлакатда коронавирусдан ўлим ҳолати кўпайган.
Ҳиндистонда коронавирус ҳолатлари кўпайиб бораётган бир пайтда Деҳли мажбурий ниқоб тақишни қайтадан жорий қилди. Бу ҳақда “Associated Press” нашри хабар берди.
Маълум қилинишича, ушбу чорани бузганлар учун 6 доллар жарима белгиланган.
Ўтган кун давомида Ҳиндистон Соғлиқни сақлаш вазирлиги 16,2 минг касаллик ҳолатини аниқлади, шундан 2,5 мингга яқини Деҳли ҳиссасига тўғри келади. Бундан ташқари, пойтахтда бир кунда коронавирусдан тўққизта ўлим қайд этилган, бу сўнгги олти ойдаги кунлик рекорддир.
Эслатиб ўтамиз, мамлакатда инфекцияга қарши эмлаш 2021 йил январь ойида бошланган, ҳозиргача 12 ёшдан ошган аҳолининг тахминан 86 фоизи тўлиқ эмланган.
