Индонезия Путин ва Зеленский учрашувини ташкиллаштиришга тайёрлигини билдирди
Улар G20 саммитида учрашиши мумкин.
Индонезия “катта йигирматалик” саммити доирасида Владимир Путин ва Владимир Зеленский учрашувидан манфаатдор. Бу ҳақда Индонезиянинг Россиядаги элчиси Хосе Таварес маълум қилди.
“Таклиф аллақачон Индонезия президенти томонидан Россия ва Украина раҳбариларига берилган. Агар улар “йигирматалик”нинг Балидаги саммитида иштирок этса, албатта, учрашувни ташкил этиш учун имкният бўлади. Индонезия бунинг амалга оширилиши учун ёрдам беришга тайёр”, – деган дипломат.
Бундан олдин Украина президенти офиси раҳбари ёрдамчиси Михаил Подоляк агар Путин G20 саммитига борса, Зеленский хам Индонезияга ташриф буюришини айтганди.
“Катта йигирматалик” давлат раҳбарлари саммити 15-16 ноябрь кунлари Балида бўлиб ўтади. Россия раҳбарининг қандай форматда иштирок этиши ҳозирча номаълум.
Аввалроқ “катта йигирматалик” молия вазирлари учраши бўлиб ўтганди.
