БМТнинг Украина дони экспорти бўйича координатори тайинланди
1 август куни Қора денгиздан ғалла экспорти тикланганди.
БМТ бош котиби Антониу Гутерриш Амир Маҳмуд Абдуллани Қора денгиз дон ташаббуси координатори этиб тайинлади.
У бу вазифани вақтинчалик эгаллаб турган Фредерика Кенни лавозимини эгаллайди. Абдулла 30 йилдан ортиқ БМТ бутунжаҳон озиқ-овқат дастурида ишлаган. Ташкилот гуманитар соҳадаги тажрибасига ишонч билдирган.
Маълумот ўрнида: 22 июль куни Россия, Украина, Туркия ва БМТ ғалла экспортини тиклаш бўйича тўрт томонлама келишувга эришди. Истанбулда унинг амалга оширилиши юзасидан координацион марказ тузилди. 1 август куни ғалла ортилган илк кема Одесса портидан йўлга чиқди.
Аввалроқ Украинанинг ойига 3 миллион тонна дон экспорт қилиш имкониятига эгалиги тўғрисида хабар берилганди.
