Андижонда 23 ёшли талаба жонига қасд қилди
У ўзини ётоқхона ҳожатхонасига осиб қўйган.
Андижон машинасозлик институти “Логистика” таълим йўналишининг 2-босқич талабаси ўз жонига қасд қилди. Бу ҳақда Бош прокуратура матбуот котиби Ҳаёт Шамсутдинов маълум қилди.
5 август куни Тошкент вилояти Бўка туманида 1999 йилда туғилган Қ. Д. Андижон машинасозлик институти талабалар ётоқхонасига бир ўзи келиб, шу ерда тунаб қолган. Эртаси куни соат 09:30 ларда ётоқхонанинг ҳожатхонаси эшигига кабелдан сиртмоқ ясаб, ўзини осиб қўйган.
Талабанинг ўлим сабабини аниқлаш юзасидан судга оид тиббий ҳамда суд-биологик экспертизаси тайинланган. Шаҳар прокуратураси томонидан марҳумнинг ўз жонига қасд қилиши сабаблари аниқланмоқда.
Ҳозирда терговга қадар текширув ҳаракатлари давом эттирилмоқда.
