Жилл Байден коронавирусга чалинди
У Президeнт билан таътилда дам олаётган эди.
АҚШ президентининг рафиқаси Жилл Байденда COVID-19 тести ижобий чиқди. Унда касаллик енгил аломатлар билан кечмоқда.
Душанба куни кечқурун Биринчи хонимда COVID-19 аломатлари пайдо бўла бошлагач, тест топширган. У Жанубий Каролинадаги резиденциясида камида беш кун изоляция қилинади ва иккита салбий COVID-19 тест натижаларини олгандан кейингина Оқ уйга қайтади. Даволаш учун Жилл Байденга "Пахловид" дори курси буюрилди.
Бунга қадар биринчи хоним инфекцияга қарши эмланган.
Эслатиб ўтамиз, бундан олдин АҚШ мудофаа вазирлиги раҳбари Ллойд Остин ҳам коронавирус билан касалланган.
