Норвегия нима учун Европага газ етказиб беришни ошира олмаслигини тушунтиради
Мамлакат ҳозирда Германия табиий газга бўлган эҳтиёжининг 30 фоиздан ортиғини қопламоқда.
Норвегия Германия ва Европага газ етказиб беришни кенгайтириш имконига эга эмас. Бу ҳақда Норвегия бош вазири Ёнас Гаҳр Стере Германия канслери Олаф Шолс билан Ослода бўлиб ўтган учрашувда айтиб ўтди.
У Норвегия ҳозирда газ экспортини оширганини ва ҳозирда "етказиб бериши мумкин бўлган максимал миқдорда" эканини таъкидлади.
Бош вазирнинг қўшимча қилишича, Россия Украинага бостириб кирганидан бери Норвегияда газ қазиб олиш деярли 10 фоизга ошган. Шу билан бирга, ишлаб чиқаришни қўшимча равишда ошириш фақат янги газ конларини очиш билангина амалга оширилиши мумкин.
Бош вазир Норвегия Германия ва Европага ҳар қачонгидан ҳам кўпроқ газ ва нефть етказиб бераётганини таъкидлади. Хусусан, қироллик Германияга Россиядан кейин иккинчи йирик газ етказиб берувчи ҳисобланади.
