Тошкентда 18 та машина ЙТҲга учрагани айтилди
Бу бўйича ИИББ ЙҲХБ маълумот берди.
Ижтимоий тармоқда Тошкент шаҳрининг Чилонзор туманида 18 та автомашина иштирокида йўл-транспорт ҳодисаси содир бўлгани айтилган видеолавҳалар тарқалди. Ҳолат юзасидан шаҳар ИИББ ЙҲХБ ахборот хизмати маълумот берди.
Дастлабки маълумотларга кўра, бугун, 16 август куни соат 17:45 ларда Чилонзор тумани Бунёдкор шоҳкўчаси (кўприк усти)да бир йўналишда ҳаракатланиб келаётган бир қанча транспорт воситалари иштирокида йўл-транспорт ҳодисаси содир бўлган.
Ҳодиса оқибатида тан жароҳати олганлар йўқ. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
