Тошкентда ЙПХ машинаси ёниб кетди
ИИББ ЙҲХБ ҳодиса сабабини очиқлади.
Бугун, 19 август куни Тошкент шаҳрининг Чилонзор туманида ЙПХ автомашинаси ёниб кетди. Ҳолат юзасидан шаҳар ИИББ ЙҲХБ ахборот хизмати маълумот берди.
Қайд этилишича, соат 12.20 ларда Чилонзор тумани Бунёдкор шоҳкўчаси бўйлаб ҳаракатланиб кетаётган Тошкент шаҳар ИИББ ЙҲХБ ЙПХ инспектори сафдор М. Х. бошқарувидаги Ласетти русумли автомашинаси ёниб кетган. Бунга транспорт воситасининг двигатель қисмида электр симларининг қисқа туташуви сабаб бўлган.
“Ушбу ёнғин тезкорлик билан бартараф этилган, ёнғин натижасида тан жарохат олганлар йуқ”, — дейилади хабарда.
Ҳозирда ҳолат юзасидан ФВВ Чилонзор тумани бўлими томонидан суриштирув ҳаракатлари олиб борилмоқда.
