Британияликларни оғир қиш кутмоқда
Миллионлаб одамлар иссиқлик энергияси танқислигига дуч келиши мумкин.
Лондон мери Содиқ Хон агар ҳукумат чора кўрмаса, миллионлаб британияликлар бу қишда иссиқлик энергияси ва озиқ-овқат танқислигига дуч келишини айтди.
“Биз ҳеч қачон бунақасини кўрмаганмиз. Бизни, афсуски, пулга сотиб олишни ҳам имкони йўқ қишки муаммо кутмоқда. Ҳукумат тезкор чоралар кўриши керак”, — деб ёзди у Твиттердаги саҳифасида.
Буюк Британиядаги ўртача электр тўлови нархи тарихий даражадан ошиб кетиши мумкин.
Россия Федерациясининг Украинада махсус операцияси бошланганидан сўнг, Ғарб Россияга нисбатан санкцияларни кучайтирди. Етказиб бериш занжирларининг узилиши Европа ва АҚШда ёқилғи, электр энергияси ва озиқ-овқат нархларининг ошишига олиб келди.
Бу орада Россия Ғарб санкцияларига дош бера олишини, бундан фақат уларнинг ўзлари зарар кўришини таъкидламоқда.
