Хитой ТИВ: АҚШ бошқа давлатларнинг ички ишларига аралашишни тўхтатмаяпти
Пекин Вашингтоннинг Афғонистондаги миссиясини “мувафаққиятсиз” деб атаган.
Афғонистондаги мувафаққиятсиз миссиясига қарамай, Вашингтон бошқа давлатлар ички ишларига аралашиши амалиётини тўхтатмади. Бу ҳақда Хитой ТИВ расмий вакили Ван Вэньбинь ўз Twitter саҳифасида ёзди.
“АҚШ Афғонистонда омадсизликка учради. Аммо улар ҳамон демократия ва инсон ҳуқуқлари ҳимояси ниқобида бошқа давлатлар ички ишларига аралашишни тўхтатгани йўқ. Бу бутун дунёда қарама-қаршиликлар кучайишига ҳамда парлчаланишларга олиб келади”, – деган дипломат.
Унинг қўшимча қилишича, бу каби ҳаракатлар АҚШ учун янги кулфатлар олиб келиши мумкин.
Аввалроқ Пекин Путинга Тайвань масаласида қўллаб-қувватлагани учун миннатдорчилик билдирганди.
