Олимлар тишларни пастасиз ювиш усулини топди
Препарат оғиз бўшлиғидаги 94 фоиз бактерияларни бартараф этади.
Хитойлик тадқиқотчилар оғиз бўшлиғини тиш пастаси ва шёткасиз ювиш усулини кашф қилди.
Янги технология гидрогел плёнка кўринишида бўлиб, тишларга зарар етказмаган ҳолда уларни тозалаш имконини беради. Препарат висмут оксихлорид наноқисмлари, мис оксиди, натрий альгинатидан иборат.
Тажриба давомида қаҳва, чой, шарбат, соя соуси билан олдиндан бўялган тиш намуналарига гидрогел воситасида таъсир кўрсатилган. Тозалашдан сўнг тишлар янада ёрқинроқ кўриниш олган ҳамда эмал зарар кўрмаган. Бошқа синовлар эса уларнинг препарталари оғиш бўшлиғидаги 94 фоиз бактерияларни бартараф этишини тасдиқлаган.
Эслатиб ўтамиз, 2022 йилнинг июль ойида Пенсилвания университети олимлари тиш ювадиган микророботларни намойиш этганди.
