Узун сочли америкалик аёл Гиннеснинг рекордлар китобига кирди
У 40 йилдан бери сочини ўстиради.
Америкалик аёл дунёдаги энг узун соч эгаси сифатида Гиннеснинг рекордлар китобига кирди. Олтмиш ёшли Аша Манделанинг сочи 33,5 метрни ташкил этади. У 2009 йилда ҳам 15,6 метр сочлари билан рекорд ўрнатган.
Мандела 40 йил олдин Қўшма Штатларга кўчиб ўтгандан сўнг сочини ўстира бошлаган. У сочларини ерга тортмаслиги ва бўйнини зўриқтирмаслик учун одатда мато билан боғлаб қўяди.
Манделанинг турмуш ўртоғи, профессионал сартарош Эммануел Чеге ҳафтасига бир неча соат хотинининг сочини парвариш қилишга сарфлайди. Чеге ҳафтада бир марта Манделанинг сочларини ювади, аммо бунинг учун олти шиша шампун керак, кейин эса икки кун қуритиш жараёни давом этади.
