Хитойда сунъий ёмғир ёғдирилади
Мамлакатда сўнгги 61 йилдаги энг иссиқ ҳарорат кузатилмоқда.
Хитой ҳукумати ғайритабиий иссиқлик фонида сунъий равишда ёмғир ёғдириш орқали ҳосилни сақлаб қолмоқчи. Бу ҳақда “Интерфакс” нашри ёзмоқда.
Қайд этилишича, экинларда намликнинг буғланишини чеклайдиган сув сақловчи қўшимча мосламалар ўрнатиш ҳам режалаштирилган. Қишлоқ хўжалиги вазирлиги кейинги ўн кунлик Хитой жанубида ҳосилни сақлаб қолиш учун ниҳоятда муҳим эканини билдирган.
Маълумотларга кўра, жазирама тўлқин минглаб гектар майдонлардаги ҳосилни нобуд қилган ва экинларга зарар етказган. Бир кун аввал Хубей провинцияси ҳукумати қурғоқчилик туфайли фавқулодда ҳолат эълон қилди.
