Япония ҳарбий бюджети рекорд даражада оширилиши мумкин
Токио сўнгги йилларда мудофаа учун катта маблағ ажратмоқда.
Япония 2023 йилда мудофаа харажатлари учун 40.7 миллиард доллар сарфлаши мумкин. Бу ҳақда Kyodo агентлиги хабар берди.
Мудофаа вазирлиги парламентга шу бўйича сўров юборган. Агар бу тасдиқланса, ҳарбий харажатлар аввалги йилга нисбатан 4 фоизга ошади.
Токио сўнгги йилларда мудофаа учун катта маблағ ажратмоқда. Бу қўшни давлатларнинг норозилигига сабаб бўляпти. 2022 молиявий йили учун ҳарбий бюджет 39.1 миллиард долларни ташкил этди. Бу мамлакат тарихидаги рекорд сумма.
Япония ҳукумати бир неча марта кейинги беш йилда мудофаа харажатларини кескин ошишини айтган. Аммо бу бўйича аниқ рақамлар расман очиқланмаган. Ҳукмрон либерал-демократик партия бу кўрсаткични НАТОга аъзо давлатлардаги каби ЯИМнинг 2 фоизига етказмоқчи.
Аввалроқ Япония мудофаа вазирлиги КХДР ракета дастури бўйича хавотир билдирганди.
