Қрим Украинага қайтарилиши керак—Эрдоған
Туркия раҳбари Киев билан Москвани яраштиришга ҳаракат қилмоқда.
Украина ва Россия ўртасидаги можаро адолатли тинчлик билан якунланиши ва босиб олинган Қрим Украинага қайтарилиши керак. Бу ҳақда Туркия Президенти Ражаб Тоййиб Эрдoғaн Қрим платформаси саммити чоғида айтиб ўтди.
“24 февралдан бери давом этаётган низо Украинанинг ҳудудий яхлитлиги ва суверенитети асосида адолатли тинчлик билан якунланиши керак, деб ҳисоблаймиз. Туркия бу мақсадга эришиш учун самарали дипломатик канал яратиш учун фавқулодда саъй-ҳаракатларни амалга оширди. Муҳим ютуқларимиз бор”, — деган президент.
У янгиланиш ва тинчлик йўлидаги саъй-ҳаракатларни давом эттиришда қатъий эканини маълум қилган ва халқаро ҳуқуқ Қримни Украинага қайтаришни талаб қилишини таъкидлаган.
