Бугун Зеленский ва Байден телефон мулоқотини ўтказади
Унда қайси масалалар кўтарилиши очиқланди.
Пайшанба куни Жозеф Байден ва Владимир Зеленский телефон мулоқотини амалга оширади. Бу ҳақда Оқ уй вакили Жон Кирби маълум қилди.
Унинг сўзларига кўра, томонлар Украинанинг Россия назоратидаги ҳудудларда Москва томонидан “референдумлар” ўтказиш масаласини муҳокама қилади.
Кирби АҚШда тез кунларда Херсон, Запорожье, Донецк ва Луганск вилоятларини РФ таркибига қўшиб олиш бўйича “референдумлар” ўтказилиши тўғрисида маълумот борлигини таъкидлаган.
“Қўшма Штатлар ва халқаро ҳамжамият Украинанинг суверен ҳудудларини назоратга олиш нолегетим эканини аниқ маълум қилди”, – деган амалдор.
Бундан ташқари, Байден Киевга ҳарбий ёрдам масаласини ҳам кўтариши айтилган.
Аввалроқ Зеленский Россия билан Минск келишувларига қайтмаслигини маълум қилганди.
