Қозоғистон Россиядан кетган компанияларни ўзига “оғдириб олмоқчи”
Мамлакат бош вазири бу бўйича режаларни очиқлади.
Қозоғистон Россияни тарк этган 250 та Ғарб компанияларини ўз бозорига жалб қилмоқчи. Бу ҳақда мамлакат бош вазири Алихан Смаилов маълум қилди.
“Биз ҳозирда релокация бўйича иш олиб боряпмиз. Хусусан, Россия бозорини тарк этган ва хомашё секторидан ташқаридаги 250 компания билан музокара кетмоқда”, – деган у Tengrinews.kz порталига берган интервьюсида.
Қозоғистон ҳукумати раҳбари фикрича, бу мамлакатда инвестицион лойиҳаларнинг кўпайишига олиб келади.
Нур-Султон ҳар бир компаниянинг янги бозорга мослашиши учун алоҳида ишчи гуруҳлар тузилган. Смаиловнинг сўзларига кўра, Skoda, GE Healthcare, Philips Қозоғистонга келишни режалаштирган.
