Зеленский “ғалла келишуви”дан сўнг Украина қанча дон экспорт қилганини очиқлади
Шартнома 22 июль куни имзолаганди.
“Ғалла келишувидан сўнг Украинадан 1 миллион тонна озиқ-овқат экспорт қилинди. Бу ҳақда Владимир Зеленский маълум қилди.
“Қарийб бир ойдан буён ғалла ташаббуси ишламоқда. Шу вақт оралиғида уч денгиз порти — Черноморск, Одесса ва Южный портлари орқали 1 миллион тонна қишлоқ хўжалик маҳсулотлари экспорт қилинди”, – деган у.
Украина президентининг фикрича, “ғалла келишуви” озиқ-овқат инқирозининг олдини олади.
Маълумот ўрнида: 22 июль куни Россия, Украина, Туркия ва БМТ ғалла экспортини тиклаш бўйича тўрт томонлама келишувга эришди. Истанбулда унинг амалга оширилиши юзасидан координацион марказ тузилди. 1 август куни ғалла ортилган илк кема Одесса портидан йўлга чиқди.
