Қуйи Чичиқда ўлирилган аёл воқеасида ИИБ ҳам айбдорми?
Қотилликка профилактика инспекторининг бепарволиги сабаб бўлгани айтилмоқда.
Ижтимоий тармоқда Тошкент вилоятининг Қуйи Чирчиқ туманида эри томонидан ўлдирилган аёл ишида ИИБ инспекторининг ҳам айби борлиги ҳақида хабарлар тарқалди. Мазкур хабар юзасидан ИИББ ахборот хизмати расмий изоҳ берди.
24 август куни соат 19:00 да аёл ИИБга мурожаат қилиб, “эркак СМС хабарларни кўриш мақсадида аёл билан жанжаллашиб, телефонини тортиб олгани” ҳақида маълум қилган. Мурожаат асосида профилактика инспектори келиб, аёл (марҳум)нинг отаси ҳузурида ариза қабул қилиб олган.
“Бу жараёнда юқорида тилга олинган жиноят эрта тонгда содир этилган. Ҳодисага қарши эҳтиёт чораси сифатида гумонланувчи қўлга олинди. Ҳозирда тергов ҳаракатлари олиб борилмоқда. Ижтимоий тармоқ фаолларидан вазиятда кимнидир айблашга шошилмасликларини сўраймиз”, — дейилади хабарда.
Маълум қилинишича, текширув хулосаларига кўра, воқеа содир бўлишига сабабчи бўлган ҳар бир шахснинг (жумладан, милиция ходимларининг) қилмишига қонуний баҳо берилиб, айбдорлик даражасига қараб чора кўрилади.
