Зеленский MAGATE бош директори билан учрашди
Аввалроқ MAGATE миссияси Запорожье АЭС’га келиши айтилганди.
Бугун, 30 август куни Украина Президенти Владимир Зеленский Атом энергияси бўйича халқаро агентлик (MAGATE) бош директори Рафаэл Гросси билан учрашди. Бу ҳақда CNN телеканалида хабар қилинди.
Музокаралар тафсилоти ҳозирча номаълум.
Эслатиб ўтамиз, аввалроқ MAGATE миссияси 31 август, чоршанба куни Запорожье АЭСига етиб келиши хабар қилинганди. Рафаэл Гросси бошчилигидаги 14 кишидан иборат делегация 29 август, душанба куни Венадан жўнаб кетган ва бугун, 30 август куни Киевга етиб келган.
Маҳаллий ОАВга кўра, миссия таркибига Франция, Италия, Иордания, Мексика, Албания, Шимолий Македония, Польша, Литва, Сербия ва Хитойдан экспертлар киритилган.
