Россия Шенген визаси масаласида Европага жавоб қайтаради
Ғарбнинг бу иши жавобсиз қолмайди — Песков.
Агар Европада россияликлар учун Шенген визаси берилишини тақиқлаш жорий этилса, Россия Ғарбга жавоб қайтаради, деди Россия Федерацияси президенти матбуот котиби Дмитрий Песков.
"Бу (руслар учун Шенген визаларини беришни тақиқлаш) жуда жиддий қарор бўлиб, тўғридан-тўғри фуқароларимизга қарши қаратилган бўлиши мумкин ва, албатта, бундай қарорлар жавобсиз қолиши мумкин эмас. Биз буни фуқароларимиз манфаатларини ҳимоя қиладиган тарзда қиламиз",— деди котиб.
Бир қатор Европа давлатлари раҳбарлари аввалроқ барча россияликларни Шенген мамлакатларига киришни тақиқлашга чақирган эди. Хусусан, тақиқ Эстонияда қўллаб-қувватланди ва Финляндия сентябр ойидан бошлаб Россия фуқароларидан виза олиш учун қабул қилинган аризалар сонини икки баравар қисқартирилишини эълон қилди.
