“Права” алмаштириш амалиёти вақтинчалик тўхтатилди
Бунга нима сабаб бўлгани очиқланди.
Ягона интерактив давлат хизматлари портали (ЯИДХП) ва Давлат хизматлари марказларида ҳайдовчилик гувоҳномаларини алмаштириш амалиёти вақтинча тўхтатилади. Бу ҳақда Давлат хизматлари агентлиги маълум қилди.
ИИВ томонидан Давлат йўл ҳаракати хавфсизлиги хизмати соҳасида “Ягона автоматлаштирилган ахборот тизими” жорий қилингани муносабати билан 1—5 сентябрь кунлари техник-профилактик ишлар амалга оширилиши бунга сабаб қилиб кўрсатилган.
"Шу сабабдан ЯИДХП ва Давлат хизматлари марказларида, эски намунадаги ҳайдовчилик гувоҳномасини янги намунадаги ҳайдовчилик гувоҳномасига алмаштириш ва бошқа автотранспорт воситасига боғлиқ давлат хизматларини кўрсатиш вақтинчалик тўхтатилади", - дейилган хабарда.
Қайд этилишича, техник-профилактик тадбирлар якунланиши бўйича қўшимча ахборот берилади.
