Элликқалъада қизлар ўртасида жанжал чиқди
Ҳолат 10 август куни бозор яқинида содир бўлган.
Ижтимоий тармоқларда Қорақалпоғистон Республикасининг Элликқалъа туманида қизлар ўртасида жанжал содир бўлгани акс этган видео тарқалди. Ҳолат юзасидан республика ИИВ ахборот хизмати маълумот берди.
Ҳодиса жорий йилнинг 10 август куни соат 17:00 ларда Элликқалъа тумани Марказий деҳқон бозорининг жанубий томонида жойлашган дўконлар олдида юз берган. Туманнинг Қ. Нурумбетов кўчасида яшовчи 2002 йилда туғилган Б.З. Элликқалъа тумани А.Темур кўчасида яшовчи 2005 йилда туғилган Ш.Л. билан ўрталарида келиб чиққан келишмовчиликларни ўзаро мустақил равишда ҳал қилмоқчи бўлган.
У жамиятда ўрнатилган юриш-туриш қоидаларни қасддан менсимасдан, атрофдаги одамларнинг кўз олдида фуқаро Ш.Л.нинг танасининг кўплаб жойларига кўл ва оёқлари билан бир неча маротаба уриб, тепиб қасддан безорилик жиноятини содир қилган.
Мазкур ҳолат бўйича Элликқалъа туман ИИБ ҳузуридаги Тергов гуруҳи томонидан, терговга қадар суриштирув ишлари олиб борилмоқда.
