Қаршида 35 ёшли эркак 4-қаватдан йиқилиб, ҳалок бўлди
У деразадан дарахтга сакраб ўтмоқчи бўлган.
Кеча, 3 сентябрь куни Қашқадарё вилоятининг Қарши шаҳридаги 2-сонли ётоқхонада 35 ёшли эркак тушиб кетиб, ҳалок бўлди. Бу ҳақда “Nasafnews” нашри ёзмоқда.
Маълум бўлишича, ётоқхонанинг 4-қаватида яшовчи 1987-йилда туғилган эркак М.Н. ён қўшнилари билан жанжаллашиб қолган. Қўшнилар унга ўткир тиғли буюмлар билан жароҳат етказгани айтилмоқда.
Фуқаро эса ўзини ҳимоя қилиш мақсадида уйига кириб, устидан қулфлаб деразадан дарахтга сакрамоқчи бўлган. Аммо дарахтгача ета олмай, қулаб тушиб, воқеа жойида ҳалок бўлган.
Ҳозирда марҳум яшаган хонадон ҳуқуқни муҳофаза қилувчи органлари томонидан муҳрланган.
