Сирдарёда кўп йиллик дарахтлар бетонлаб ташланди
Ҳолатга Экология бошқармаси изоҳ берди.
Ижтимоий тармоқда Сирдарё вилоятининг Гулистон шаҳридаги истироҳат боғида бир неча йиллик дарахтлар таги бетонлаб ташлангани ҳақида хабарлар тарқалди. Вилоят экология ва атроф-муҳитни муҳофаза қилиш бошқармаси бунга расмий муносабат билдирди.
Қайд этилишича, ҳолат Гулистон шаҳар Экология бўлими инспекторлари, Миллий гвардия ҳамда ИИБ ходимлари ҳамкорлигида ўрганилган.
Аниқланишича, Гулистон шаҳрида жойлашган истироҳат боғидаги тамаддихона ёнида уч туп дарахтнинг таг қисми тошлар билан ўралиб, бетонлаб ташлаган.
Дарахтларнинг таг қисмлари очилиб, ҳолат бартараф қилинган.
