Кобулда яна портлаш: теракт хорижий давлат элчихонаси яқинида содир бўлди
Бу ҳақда "Sputnik Афганистан" хабар берди.
Кобулдаги Россия элчихонаси яқинида теракт содир бўлди.
Портлаш элчихона қаршисидаги хиёбонда амалга оширилгани айтилмоқда. У Россия консуллик бўлимига яқин жойлашган. Дипломатик корпус вакиллари орасида жабрланганлар ҳақида маълумот йўқ. Турли маълумотларга кўра, 20 киши портлаш қурбонига айланган.
Теракт элчихона ходими виза кутаётганлар рўйхатини ўқиш учун ташқарига чиққанда содир бўлган. Шаҳарда хавфсизлик билан боғлиқ вазият оғирлашган.
