Наманганда 12 ёшли қиз дарёга чўкиб кетди
У 16 августдан бери қидирилмоқда.
Наманган вилоятининг Норин туманида 16 август куни вояга етмаган қиз дарёга чўкиб кетди. Ҳолат юзасидан вилоят Фавқулодда вазиятлар бошқармаси ахборот хизмати маълумот берди.
Қайд этилилишича, Норин туманидан оқиб ўтувчи Қорадарёга Норин тумани “Учтепа” МФЙда яшаган 12 ёшли қиз ўртоқлари билан чўмилиш мақсадида бориб, чўмилиш вақтида чўкиб кетган.
Қизча чўккан кундан бери Наманган вилояти Фавқулодда вазиятлар бошқармасининг қутқарув-қидирув гуруҳи томонидан сув остида ва сув устида қидирув ишлари олиб борилмоқда.
Жараёнга Норин, Тўрақўрғон, Поп тумани Фавқулодда вазиятлар бўлими қутқарувчилар, Миллий гивардия ва Ички ишлар ходимлари жалб этилган.
